2019 წლის 26 თებერვალს დავით ტვილდიანის სამედიცინო უნივერსიტეტში გაიმართა ამავე უნივერსიტეტის სადოქტორო სწავლების დოქტორანტის ეკა რუხაძის სადისერტაციო ნაშრომის: „ ექოკარდიოგრაფიული მახასიათებლების კორელაციური ანალიზი კარდიოვასკულურ რისკ-ფაქტორებთან მიმართებაში კარდიოვასკულური დაავადებისგან თავისუფალ პოპულაციაში“ საჯარო დაცვა.
ნაშრომის სამეცნიერო ხელმძღვანელი იყო: ლევან ტვილდიანი(მედიცინის მეცნიერებათა დოქტორი, პროფესორი, დავით ტვილდიანის სამედიცინო უნივერსიტეტის რექტორი).
სადისერტაციო ნაშრომის ოფიციალური ექსპერტები/ოპონენტები იყვნენ: ალექსანდრე ალადაშვილი (მედიცინის მეცნიერებათა დოქტორი, ინტერვენციული და დიაგნოსტიკური დეპარტამენტის ხელმძღვანელი, ჩაფიძის გულის ცენტრი); მიხეილ წვერავა (მედიცინის მეცნიერებათა დოქტორი, შინაგან სნეულებათა დეპარტამენტის ხელმძღვანელი, ჩაფიძის გულის ცენტრი); რუსუდან აგლაძე (მედიცინის მეცნიერებათა დოქტორი, ასოცირებული პროფესორი, დავით ტვილდიანის სამედიცინო უნივერსიტეტი).
ფარული კენჭისყრის შედეგად საკვალიფიკაციო საბჭომ ეკა რუხაძეს მიანიჭა მედიცინის დოქტორის აკადემიური ხარისხი.