დავით ტვილდიანის სამედიცინო უნივერსიტეტის (დტსუ-ს) სტუდენტთა და ახალგაზრდა მეცნიერთა სამეცნიერო ასოციაციის (SYSSA) სახელით VI კურსის სტუდენტებმა მარიამ შუბითიძემ და ბაბა საი ქრიშნა ამბედქარმა 2017 წლის 11-15 ნოემბერს მონაწილეობა მიიღეს ვაშინგტონში გამართულ კონფერენციაზე "ნეირომეცნიერება 2017".
"ნეირომეცნიერება 2017" არის მსოფლიოში ყველაზე მასშტაბური კონფერენცია ნეირომეცნიერებაში და იმართება ყოველწლიურად ნეირომეცნიერების საზოგადოების (Society for Neuroscience, SFN) მიერ. წელს რიგით 47-ე კონფერენცია გაიმართა ვაშინგტონის Walter E. Convention Center-ში და მონაწილე და დამსწრეთა რაოდენობა შეადგენდა 30 021 წევრს 80 ქვეყნიდან, რომელთა შორის იყვნენ როგორც მსოფლიოს წამყვანი მეცნიერები და პროფესორები, ასევე დოქტორანტები, ახალგაზრდა მეცნიერები და დიპლომამდელი სტუდენტები. მათ განიხილეს თავიანთი უნივერსიტეტების ლაბორატორიების უახლესი სამეცნიერო კვლევების შედეგები. ფორმატი იყო ზეპირი მოხსენებებისგან შემდგარი სიმპოზიუმები და ნანოსიმპოზიუმები სხვადასხვა თემაზე ნევროლოგიაში, რომლებიც პარალელურად მიმდინარეობდა თითოეულ დღეს, საპრეზიდენტო ლექციები და პოსტერების სესიები. ტარდებოდა უახლესი სამეცნიერო-სამედიცინო ტექნოლოგიებისა და სხვადასხვა ქვეყნის ორგანიზაციებისა და ინსტიტუტების, ამერიკის უნივერსიტეტებისა და მათი პროგრამების გამოფენები. სულ გაიმართა 534 კომპანიის გამოფენა, 13552 პრეზენტაცია, 902 სესია. კონფერეციის თითოეულ საღამოს იმართებოდა სოციალური შეკრებები Marriott Marquis და Renaissance სასტუმროების დარბაზებში სხვადასხვა თემატიკაზე, რომელიც საშუალებას აძლევდა მეცნიერებს ისევე როგორც სტუდენტებს გაეცნოთ და დაკავშირებოდნენ მეცნიერ კოლეგებსა და უნივერიტეტების წარმომადგენლებს ნაკლებად ფორმალურ გარემოში და მიეღოთ მნიშვნელოვანი რჩევები პროფესიული განვითარებისთვის. იყო სოციალური შეკრებები ალცჰაიმერის დაავადებაზე მომუშავე და დაინტერესებული პირებისთვის; დიპლომამდელი ნეირომეცნიერების ფაკულტეტის სტუდენტების პოსტერებზისთვის; კარიერის განვითარების "networking event"; კოგნიტიური ნეირომეცნიერების შეკრება; ჯონს ჰოპკინსის, სტენფორდის, ილინოისის უნივერსიტეტისა და აიოვას უნივერსიტეტის ცალკეული სოციალური შეხვედრები; ქცევითი ნეიროენდოკრინოლოგიის, ნეიროეთიკის, ნეიროფარმაკოლოგიის, ნეიროგანვითარების, ხედვის, ნათხემის, ნეირონებისა და გლიას კავშირის, ჰიპოკამპუსის, პარკინსონის, ნეირორეაბილიტაციის და ა.შ. ცალკეული სოციალური შეკრებები.
ნეირომეცნიერება 2017-ში მონაწილეობას იღებდა დტსუ-ს კურსდამთავრებული დენის ჯღამაძე MD MSc PhD, პენსილვანიის უნივერსიტეტის პოსტდოქტორანტი მეცნიერი ნეირომეცნიერებაში, რომელსაც ჰქონდა ზეპირი მოხსენება თემაზე კორტიკალური ორგანოიდების ქსოვილის გადანერგვა ვირთხების ვიზუალური კორტექსის აღსადგენად და პოსტერი თემაზე ცერებრალური ორგანოიდების აქტივობის დახასიათება ელექტროფიზიოლოგიური ტექნიკებითა და ორ-ფოტონიანი მიკროსკოპის მეშვეობით კალციუმის აქტივობის ვიზუალიზაციით. პოსტერები ჰქონდათ ასევე ქართველ მეცნიერებს თამარ მაჭარაძეს (MD, თსუ, ლაიბნიცის ნეირობიოლოგიის ინსტიტუტი) თემით ადრეული სენსორული აღქმის დაკარგვა ცვლის სუპრაგნულარულ პირამიდულ ნეირონების დენდრიტების მორფოლოგიას პირველად სენსორულ კორტექსში, და მერაბ ცაგარელს (PhD, ივანე ბერიტაშვილის ექსპერიმენტალური ნიომედიცინის ცენტრი) თემით NSAID-ების დესენსიტიზაციის ეფექტი TRPA1 და TRPV1 არხებზე.
კონფერენციაზე ჩატარდა ოთხი საპრეზიდენტო ლექცია, რომელიც შერჩეული იყო SFN-ის პრეზიდენტის, ერიკ ნესტლერის მიერ და დაეთმო ახალ კვლევებს - ენის ნეირობიოლოგია ცხოველებზე დაყრდნობით - ერიქ ჯარვისი (პროფესორი და როკფელერის უნივერსიტეტის ენის ნეიროგენეტიკის ლაბორატორიის ხელმძღვანელი და მეცნიერი ჰოვარდ ჰიუს მედიცინის ინსტიტუტში), ვიზუალიზაციის მეთოდები - Xiaowei Zhuang (ჰარვარდის უნივერსიტეტი), საჭმლის მომნელებელი სისტემის მიკროფლორა და ბავშვების მალნუტრიცია - ჯეფრი გორდონი (რობერტ გლეიზერის გამორჩეული უნივერსიტეტის პროფესორი ვაშინგტონის უნივერსიტეტში წმ.ლუისში), ფსიქიატრიული დაავადებების პოლიგენურობის შესახებ და მათი კვლევის ექსპერიმენტულ მეთოდებზე - პამელარ სკლარი (იკან მედიცინის სკოლა მაუნთ სინაიში)
როგორც მივლინების მთავარი მიზანი, შედგა შევხვდრები ნეირომეცნიერების აქტივობებში ჩართულ სხვადასხვა ორგანიზაციების წარმომადგენლებთან, რომლებმაც დტსუ-ს სტუდენტებს მარიამსა და ბაბას გააცნეს დტსუ-ს სტუდენტებისთვის ხელმისაწვდომი საერთაშორისო პროექტები, სასწავლო პროგრამები, სამუშაო ვაკანსიები; უნივერსიტეტების წიგნების გამომცემლობებისა და სამეცნიერო ჟურნალების წარმომადგენლებთან, ამერიკული უნივერსიტეტების პროფესორ-წარმომადგენლებთან. აიოვას ინსტიტუტი და დელავეარის უნივერსიტეტმა ძალიან დიდი დაინტერესება გამოხატა დავით ტვილდიანის სამედიცინო უნივერსიტეტის მიმართ.