9 დეკემბერს დავით ტვილდიანის სამედიცინო უნივერსიტეტში ჩატარდა ქირურგიის ინტერესთა ჯგუფის მეორე ვორქშოპი, რომელიც 5 საათი გრძელდებოდა და თეორიულ და პრაქტიკულ ნაწილებს მოიცავდა. აღნიშნულ ვორქშოპს 35 სტუდენტი ესწრებოდა.
ვორქშოპი გახსნა დავით ტვილდიანის სამედიცინო უნივერსიტეტის ვიცე-დეკანმა ბ-ნმა პაატა ცაგარეიშვილმა. პირველი ლექცია შემდეგ საკითხებს მოიცავდა: „მნიშვნელოვანი რჩევები რეზიდენტურის გასაუბრებისთვის“ და „ქირურგიის საფუძვლები - ნაკერები/კვანძები“. ლექციას უძღვებოდა SIGA-ს დამფუძნებელი და პრეზიდენტი ალექსანდრე ასათიანი. შეხვედრის სალექციო ნაწილის დასრულების შემდეგ დამსწრე აუდიტორია ტრენერებმა სხვადასხვა ჯგუფებში გადაანაწილეს. ჯგუფებს მიეცათ შესაძლებლობა გაევლოთ ტრენინგი ქირურგიულ კერვაში, ქირურგიული კვანძების დაებასა და სარეზიდენტო გასაუბრებაში. ტრენინგებს უძღვებოდნენ DTMU-ს სტუდენტები ა. ქოჩიაშვილი, გ საბახტარიშვილი, ა. ასათიანი, გ. წიბლიაშვილი. მონაწილეებს მიეცათ საჭირო ქირურგიული აღჭურვილობა კერვისთვის და სპეციალური ბაწრები კვანძებისათვის. მათ მიეცათ საშუალება ბიოლოგიუ ქსოვილზე (ღორის ხორცი) გაევლოთ ტრეინინგი კერვაში. გარდა ამისა, მონაწილეებს შეეძლოთ გარკვეული აღჭურვილობა წაეღოთ სახლში პრაქტიკული უნარ-ჩვევების დასახვეწად.