2018 წლის 24-26 მაისს, ქ. რეიკიავიკში, ისლანდია გაიმართა ORPHEUS-ის მე-13 კონფერენცია - კრეატიულობა, უკუკავშირი და მრავალფეროვნება სადოქტორო სწავლებაში. კონფერენციას უმასპინძლა ისლანდიის უნივერსიტეტის ჯანდაცვის მეცნიერებების სკოლამ. კონფერენციის მთავარი თემა იყო, როგორ „დაეწევიან“ დოქტორანტები და მათი ხელმძღვანელები თანამედროვე მეცნიერების მზარდ გამოწვევებს, კონკურენტულ გარემოს, ტექნოლოგიების კომპლექსურ გამოყენებას, მასიურ მონაცემთა ბაზებს და რთულ მათემატიკურ ანალიზს ადამიანის გონებრივი შესაძლებლობების მიღმა. კონფერენციას ესწრებოდნენ დავით ტვილდიანის სამედიცინო უნივერსიტეტის პრორექტორი სტრატეგიული მართვისა და განვითარების დარგში - სერგო თაბაგარი და დეკანი - ნინო თაბაგარი.