2016 წლის 7 აგვისტოდან 3 სექტემბრამდე დავით ტვილდიანის სამედიცინო უნივერსიტეტის სტუდენტები, ირაკლი ლემონჯავა, გიორგი საბახტარიშვილი, ალექსანდრე ასათიანი, დავით გახოკიძე, ნინო ღუდუშაური, ჯოელ ჩერიან ჯოზეფი, გიორგი ჩალათაშვილი, ნათია ლომიძე, მარიამ ჭელიძე, ჩუკვუნონსო ემანუელ უგუალორი, იმყოფებოდნენ ლიტვაში სასწავლო პრაქტიკის მისაღებად. სტუდენტები პროგრამის ფარგლებში სტუმრობდნენ ქალაქ კლაიპედას მეზღვაურთა საუნივერსიტეტო კლინიკას ( Klaipedos Jurininku Ligonine; http://www.jurlig.lt/en/), რათა მიეღოთ გამოცდილება კლინიკური მედიცინის დარგებში.
სტუდენტების თქმით ექიმები ( პედაგოგები ) გამოირჩეოდნენ განსაკუთრებული ყურადღებით და მაქსიმალურად ცდილობდნენ დაწვრილებით აეხსნათ თითოეული ექიმის ქმედება და სამედიცინო გადაწყვეტილება. ირაკლი ლემონჯავა, გიორგი საბახტარიშვილი, ალექსანდრე ასათიანი, დავით გახოკიძე, ნინო ღუდუშაური, ჯოელ ჩერიან ჯოზეფი, გიორგი ჩალათაშვილი, ნათია ლომიძე, მარიამ ჭელიძე და ჩუკვუნონსო ემანუელ უგუალორი ასისტენტობას უწევდნენ წამყვან ექიმებს რამაც მათ დიდი გამოცდილების მიღების საშუალება მისცა.
დავით ტვილდიანის სამედიცინო უნივერსიტეტის სტუდენტებს საშუალება მიეცათ ჰქონოდათ შეხება ისეთ საინტერესო შემთხვევებთან, რომელთა შესახებაც მხოლოდ თეორიული ცოდნა გააჩნდათ.
DTMU-ს სტუდენტებს ლიტვაში მასპინძლობდა ლიტვაში მოღვაწე ქართველი ექიმი, პროფესორი მინდია კასრაძე.
დავით ტვილდიანის სამედიცინო უნივერსიტეტი მადლობას უხდის ბ მინდია კასრაძეს და კლაიპედას მეზღვაურთა საუნივერსიტეტო კლინიკას სტუდენტების მიმართ გამოხატული ყურადღებისა და მზრუნველობისთვის.