29 ოქტომბერს დავით ტვილდიანის სამედიცინო უნივერსიტეტში ძუძუს კიბოს შესახებ ცნობიერების ამაღლების საერთაშორისო თვის ფარგლებში, ეროვნული სკრინინგ ცენტრის მიერ ორგანიზებულ აქცია „შვილები მშობლებისთვის ძუძუს კიბოს წინააღმდეგ“ ჩატარდა. უნივერსიტეტის სტუდენტებს შესაძლებლობა მიეცათ მოესმინათ ლექცია ძუძუს კიბოსა და მამოგრაფიის შესახებ. ამის შემდგომ სტუდენტებმა სპეციალურად ამ დღისთვის შექმნეს სხვადასხვა შინაარსის ლოზუნგები, რითაც სოლიდარობა გამოუცხადეს ვარდისფერიო ოქტომბრის აქციას და მოუწოდეს მშობლებსა და ახლობლებს, ჩაიტარონ სკრინინგული გამოკვლევები. შეხვედრის დასასრულს ეროვნულმა სკრინინგ ცენტრმა დავით ტვილდიანის სამედიცინო უნივერსიტეტის სტუდენტები აქტიურობისა და ჩართულობისთვის სიგელებით დააჯილდოვა.
დავით ტვილდიანის სამედიცინო უნივერსიტეტი მადლობას უხდის ეროვნულ სკრინინგ ცენრს ვარდისფერი ოქტომბრიოს აქციაში ჩართვისთვის.