შპს "დავით ტვილდიანის სამედიცინო უნივერსიტეტში", 2022 წლის 21 მარტს გამოცხადდეს მისაღები კონკურსი, ბიოსამედიცინო და ჯანდაცვით მეცნიერებებში სადოქტორო საგანმანათლებლო პროგრამის 2021-2022 სასწავლო წლის საგაზაფხულო სემესტრის 5 ვაკანტურ ადგილზე, შემდეგ სადოქტორო კვლევით განაცხადებზე:
1. "სამეანო პრაქტიკაში ლაბორატორიული ტესტების გამოყენების საქართველოში არსებული პრაქტიკა, ინდივიდუალური ორსულისთვის ტესტების დანიშვნაზე გავლენის მქონე ფაქტორები და სამედიცინო მომსახურების ხარისხის გასაუმჯობესებელი საგანმანათლებლო სტრატეგიები."
2. "დიპლომირებული მედიკოსის შეფასება მასში პერსონალურობის სხვადასხვა ტიპის სტუდენტისთვის თანასწორი პროგრესის შესაძლებლობების უზრუნველსაყოფად."
3. "ექსუდაციური შუა ოტიტის კომპლექსური მკურნალობის კლინიკური შედეგები ბავშვთა ასაკში."
4. "გალექტინ-3 შაქრიანი დიაბეტი ტიპი 2-ით პაციენტებში."
5. "კლინიკური პრაქტიკის ლოგბუქის შეფასების ინსტრუმენტი"
კონკურსში მონაწილეთა საბუთების მიღება იწარმოებს 2022 წლის 20 აპრილიდან - 23 აპრილის ჩათვლით, შემდეგ მისამართზე: ქ. თბილისი 0159, ლუბლიანას ქუჩა 2/6, შპს "დავით ტვილდიანის სამედიცინო უნივერსიტეტი". საკონტაქტო პირი – მედიცინის დოქტორი, ასოცირებული პროფესორი, თინათინ ზურაშვილი. ტელეფონი: 251-68-98, მობ: 599-64-19-79; ფაქსი 252-71-96. ელ.ფოსტა: phd@dtmu.edu.ge
ინგლისური ენის შესაბამის დონეზე ცოდნის დამადასტურებელი დოკუმენტის წარმოუდგენლობის შემთხვევაში კონკურსანტმა უნდა გაიაროს ტესტური გამოცდა 2022 წლის 26 აპრილს.
კონკურსი ჩატარდება 28 - 29 აპრილს, რაც მოიცავს: საკონკურსო კომისიის მიერ წარმოდგენილი საბუთების შეფასებას, კონკურსანტთან გასაუბრებას.
კონკურსის შედეგები გამოქვეყნდეს 2022 წლის 03 მაისს.
კონკურსანტებმა უნდა წარმოადგინონ სადოქტორო დებულების დანართით გათვალისწინებული შემდეგი საბუთები:
1. საკონკურსო განცხადება რექტორის სახელზე (დანართი 1);
2. სააპლიკაციო ფორმა (დანართი 2);
3. ავტობიოგრაფია (ნაბეჭდი და ელექტრონულივერსიები), რომელიც უნდა მოიცავდეს:
3.1 პირად ინფორმაციას - სახელი, გვარი, დაბადების თარიღი, მისამართი, საკონტაქტო ტელეფონის ნომერი, ელ. ფოსტის მისამართი;
3.2 განათლება-წლები, სასწავლებლის დასახელება, აკადემიური ხარისხი, კვალიფიკაცია, ქვეყანა;
3.3 სამუშაო გამოცდილება–მუშაობის წლები, ორგანიზაციის დასახელება, თანამდებობა, მოვალეობები, მიღწევები, ქვეყანა;
3.4 ტრენინგები და კონფერენციები - თარიღი, დასახელება, ორგანიზატორი, ქვეყანა;
3.5 პროფესიული და საზოგადოებრივი ორგანიზაციების წევრობა;
3.6 ენების ცოდნა
3.7 კომპიუტერული პროგრამების ცოდნა – მიუთითეთ კომპიუტერული პროგრამების ჩამონათვალი და ცოდნის დონე;
3.8 დამატებითი ინფორმაცია - ჰობი, სპეციფიკური უნარ-ჩვევები, პუბლიკაციები და სხვა.
4. პირადობის მოწმობის ქსეროასლი;
5. ფოტო 3X4 2 ცალი;
6. უმაღლესი განათლების და კვალიფიკაციის დამადასტურებელი დოკუმენტები (ნოტარიულად დამოწმებული ქსეროასლი, უცხოეთშიმიღებული განთლებისა და კვალიფიკაციის მინიჭების შესახებ დოკუმენტის შემთხვევაშ იდაინტერესებულმა პირმა უნდა წარმოადგინოს საქართველოს კანონმდბლობის შესაბამისად დამოწმებული თარგმანი და მიღებული განთლების აღიარების შესახებ დოკუმენეტები);
7. ინგლისური ენის B2 დონეზე ცოდნის დამადასტურებელი სერტიფიკატი. (სერტიფიკატის არქონის შემთხვევაში, კონკურსანტი ჩააბარებს უნივერსიტეტის მიერ ორგანიზებულ ტესტურ გამოცდას)
8. ორი რეკომენდაცია-დახასიათება (დანართი 3), ამასთან:
თუ აპლიკანტი დასაქმებულია:
• ერთი რეკომენდაცია-დახასიათება აპლიკანტის ბოლო სამუშაო ადგილიდან დაწესებულების ხელმძღვანელის ხელმოწერით
• მეორე რეკომენდაცია-დახასიათება უმაღლესი სასწავლებლის პროფესორისგან;
თუ აპლიკანტი არ არის დასაქმებული:
• ორივე რეკომენდაცია - დახასიათება – უმაღლესი სასწავლებლის პროფესორისგან.
9. სამუშაო ადგილიდან ხელმძღვანელის თანხმობის წერილი აპლიკანტის დოქტორანტურაში 420 საათიან დასწრებულ სწავლებაზე.
10. სამედიცინო საქმიანობის სალიცენზიო სერთიფიკატი (ასეთის არსებობის შემთხვევაში);
11. სამეცნიერო შრომების სია (არსებობის შემთხვევაში) თანდართული პირველწყაროებით და ქსეროასლებით (1 ეგზემპლარი);
კონკურსის შესახებ ინფორმაცია გამოქვეყნდეს პრესაში, ასევე განთავსდეს უნივერსიტეტის ოფიციალურ ვებ-გვერდზე www.dtmu.ge.