14 ივნისს დავით ტვილდიანის სამედიცინო უნივერსიტეტის მხარდაჭერით ბაკურ სულაკაურის გამომცემლობის მიერ თარგმნილი ბრიტანული გამომცემლობა DK-ის წიგნის „მედიცინის ილუსტრირებული ისტორიის“ პრეზენტაცია შედგა. პრეზენტაციას უძღვებოდა დავით ტვილდიანის სამედიცინო უნივერსიტეტის კურსდამთავრებული, მოწვეული ლექტორი სანდრო ცქიტიშვილი.
ეს წიგნი მკითხველს მოუთხრობს მედიცინის ისტორიას ანტიკური პერიოდიდან დღემდე.
შესანიშნავი ილუსტრაციები და ყოვლისმომცველი ტექსტი საინტერესოდ აღწერს წარმოუდგენელ მიღწევებს დიაგნოსტიკის, ქირურგიისა და სამკურნალო საშუალებების შექმნის სფეროში. ის მკითხველს უამბობს იმ ადამიანების შესახებ, რომლებმაც დიდი წვლილი შეიტანეს მეცნიერების ამ დარგის განვითარებაში. საილუსტრაციოდ გამოყენებული საოცარი ფოტოები და დიაგრამები ნათლად ასახავს ადამიანის ანატომიას, დაავადებებსა და სამკურნალო პრაქტიკების განვითარების საუკუნოვან გზას.
