2018 წლის 30 ივნისს, სტუდენტთა და ახალგაზრდა მეცნიერთა სამეცნიერო ასოციაციის ორგანიზებით, „New Hospitals”-ში ჩატარდა სტუდენტთა და ახალგაზრდა მეცნიერთა საერთაშორისო სამეცნიერო კონფერენცია.
სესია გახსნეს “New Hospitals”-ის დირექტორმა, გიორგი რამიშვილმა და დავით ტვილდიანის სამედიცინო უნივერსიტეტის დეკანმა - ნინო თაბაგარმა. ჩატარდა “Academic Integrity Session” რომელიც მოიცავდა ტრენინგს პროგრამების - “Moodle”-ის და “TurnItIn”-ის შესახებ. ტრენინგს უძღვებოდა ნატა ჯაფიაშვილი (ვიცე-რექტორის თანაშემწე სტრატეგიული მართვის და განვითარების დარგში) და პაატა ცაგარეიშვილი (დეკანის მოადგილე სამედიცინო განათლებაში). ასევე, დავით ტვილდიანის სამედიცინო უნივერსიტეტის პროფესორმა, ვერიკო მირცხულავამ (სამეცნიერო კვლევითი დეპარტამენტის ხელმძღვანელი) ისაუბრა სამეცნიერო კვლევის როლზე სტუდენტებისთვის. გვყავდა მოწვეული სტუმარი, ვახტანგ გურაბანიძე გაგუას კლინიკიდან, რომელმაც ისაუბრა ორსულობისა და ეპიგენეტიკის კავშირზე. ამის შემდგომ, მონაწილე სტუდენტებმა წარმოადგინეს თავიანთი სამეცნიერო ნაშრომები და ასევე თანამედროვე მედიცინის პრობლემების მიმოხილვები, პრეზენტაციების სახით.
სესია დახურა სტუდენტთა და ახალგაზრდა მეცნიერთა სამეცნიერო ასოციაციის პრეზიდენტმა - ავთანდილ ქოჩიაშვილმა. მონაწილეებს გადაეცათ სერტიფიკატები დავით ტვილდიანის სამედიცინო უნივერსიტეტის ვიცე-რექტორის, სერგო თაბაგარის მიერ. ასევე გამოვლინდა საუკეთესო პრეზენტაციები, რომელთაც გადაეცათ დამატებითი სერტიფიკატები და სიმბოლური საჩუქრები.
