შაბათს, 14 ივლისს, დტსუ ში გაიმართა კარიერული განვითარების ცენტრის (კგც) პრეზენტაცია, სადაც ცენტრის ხელმძღვანელმა-უნივერსიტეტის პროფესორმა ეკა სანიკიძემ სტუდენტებს, კურსდამთავრებულებსა და ახალგაზრდა კადრებს გააცნო ცენტრისთვის გამოყოფილი სამუშაო სივრცე, მისია, ხედვა, სამოქმედო გეგმები და საშუალებები. ჩატარდა ფსიქოლოგიური თამაში დე ბონოს 6 ქუდის მეთოდით, რამაც სტუდენტთა მიერ გადაწყვეტილების მიღებაში ახალშექმნილი სამსახურის მხარდამჭერი როლი უფრო ნათლად წარმოაჩინა. გამოითქვა იმედი, რომ კგც დიდად შეუწყობს ხელს უნივერსიტეტში მიღებული განათლების/გამოცდილების წარმატებით რეალიზებასა და საგანმანათლებლო- კვლევითი პროცესების შემდგომ სრულყოფას.