გუშინ, 21 ნოემბერს შედგა დტსუ -ის შეხვედრა პარტნიორ დაწესებულებებთან, სადაც განხილულ იქნა სტუდენტთა და კურსდამთავრებულთა პროფესიული არჩევანის, პროფესიონალად ჩამოყალიბებისა და დასაქმების საკითხებში მხარდასაჭერად გასატარებელი ღონისძიებები, პროექტები, თანამშრომლობის შემდგომი განვითარების პერსპექტივები.
სტუმრებს მიმართა უნივერსიტეტის რექტორმა, პროფესორმა ლევან ტვილდიანმა, მოხსენებებით წარდგნენ კარიერული განვითარების ცენტრის ხელმძღვანელი ქლბ. ეკა სანიკიძე და ხარისხის კონტროლის დეპარტამენტის ხელმძღვანელი ქლბ. თამარ თალაკვაძე.
გაიმართა საინტერესო დისკუსია, გამოითქვა კონკრეტული მოსაზრებები და წინადადებები, შედგა რეზოლუციის მონახაზი და დაისახა სამოქმედო გეგმა, რათა წარმოდგენილი შემოთავაზებები უახლეს პერიოდში იყოს დამუშავებული და დანერგილი პილოტირებისა და სასარგებლო შედეგების მიღების მიზნით.
