დავით ტვილდიანის სამედიცინო უნივერსიტეტში უკვე ტრადიციად დამკვიდრდა ეპილეფსიის საერთაშორისო მხარდამჭერი იასამნისფერი დღის აღნიშვნა. ეპილეფსიის მკურნალობის წარმატებისათვის უმნიშვნელოვანესია პაციენტისა და საზოგადოების განათლება ეპილეფსიის შესახებ. ჩვენი უნივერსიტეტის პროფესორები და ახალგაზრდა მკვლევარები კონფერენციის საშუალებით შევუერთდით ეპილეფსიის მხარდამჭერ საერთაშორისო ძალისხმევას; ეპილეფტოლოგიის სფეროში საქართველოში მოღვაწე სხვა ექსპერტებთან ერთად უახლესი კვლევების შესახებ ინფორმაცია მიაწოდეს როგორც ნეირომეცნიერებაში მომუშავე სპეციალისტებს, ისე მედიცინის სხვადასხვა სფეროში მოღვაწე პროფესიონალებსა და ეპილეფსიით დაინტერესებულ ადამიანებს. განიხილეს ეპილეფტოლოგიის აქტუალური საკითხები.