5 დეკემბერს, დავით ტვილდიანის სამედიცინო უნივერსიტეტმა ინფანტილური სპაზმების ცნობადობის ასამაღლებელ კვირეულთან (ISAW) დაკავშირებულ შეხვედრას უმასპინძლა. აღნიშნული კვირეული იმართება ყოველწლიურად, 1-7 დეკემბერს და მისი მიზანია საზოგადოების ინფორმირებულობა და ცნობიერების ამაღლება აღნიშნულ დაავადებასთან დაკავშირებით.
შეხვედრას ესწრებოდნენ უნივერსიტეტის სტუდენტები, დოქტორანტები და დაინტერესებული პირები.
შეხვედრაზე მოხსენებით წარსდგა დავით ტვილდიანის სამედიცინო უნივერსიტეტის დოქტორანტი - ანანო კვერნაძე, თემით: „შევაჩეროთ ინფანტილური სპაზმები“.
ინფანტილური სპაზმები - გულყრის ტიპი, რომელიც ძირითადად გვხვდება 2 წლამდე ასაკის ბავშვებში.
აღნიშნული დაავადების დიაგნოზის შემთხვევაში აუცილებელია პაციენტის მშობლის და გარშემომყოფი პირების მეტად ინფორმირებულობა, ხოლო დაავადების ადრეულ ეტაპზე ამოცნობა და გადაუდებელი მკურნალობა ბავშვის განვითარების უმნიშვნელოვანესი წინაპირობაა.
ჩაიწერეთ სიმპტომები, გადაიღეთ ვიდეო და დაუყოვნებლივ გაესაუბრეთ ექიმს, არ უგულებელყოთ ტანისა და კიდურების კუნთების კრუნჩხვების შეტევები უეცარი, უკონტროლო და განმეორებითი მოძრაობა.
გახსოვდეთ, დაავადების ადრეული ეტაპზე გამოვლენა ძალიან მნიშვნელოვანია!