2022 წლის 25 თებერვალს, დავით ტვილდიანის სამედიცინო უნივერსიტეტში გაიმართა ამავე უნივერსიტეტის სადოქტორო სწავლების დოქტორანტის, ვახტანგ ჯავრიშვილის სადისერტაციო ნაშრომის: ,, თვალშიდა და არტერიული წნევის ფლუქტუაცია კატარაქტის ფაკოემულსიფიკაციის დროს და დიაკარბისა და დიაკარბი- თიმოლოლის კომბინაციის როლი ინტრა-და პოსტოპერაციული გართულებების პრევენციაში“ საჯარო დაცვა.
ნაშრომის სამეცნიერო ხელმძღვანელები იყვნენ: ალექსანდრე ალექსიძე (პროფესორი, კავკასიის საერთაშორისო უნივერსიტეტი, კლინიკა ,,ლიდერმედი“ ოფთალმოლოგიური დეპარტამენტის ხელმძღვანელი ), არსენ შურღაია (ასოცირებული პროფესორი, დავით ტვილდიანის სამედიცინო უნივერსიტეტი, ჯავრიშვილის კლინიკა ,,ოფთალმიჯი“).
სადისერტაციო ნაშრომის ოფიციალური ექსპერტები/ოპონენტები იყვნენ: ოლეგ გოლოვაჩოვი (მედიცინის დოქტორი, პროფესორი, ოფთალმოლოგიის ეროვნული ცენტრის სასწავლო სამეცნიერო მიმართულების ხელმძღვანელი, კლინიკა ,,ნიუ ჰოსპიტალსი“); იური კალინნიკოვი (მედიცინის მეცნიერებათა დოქტორი, პროფესორი, მოსკოვის ევდოკიმოვის სახელობის სამედიცინო-სტომატოლოგიური უნივერსიტეტი); ივა ბერაძე (მედიცინის მეცნიერებათა დოქტორი, პროფესორი, საქართველოს დავით აღმაშენებლის სახელობის უნივერსიტეტი, კლინიკა ,,ნიუ ჰოსპიტალსი“);
ფარული კენჭისყრის შედეგად სადისერტაციო საბჭომ ვახტანგ ჯავრიშვილს მიანიჭა მედიცინის დოქტორის აკადემიური ხარისხი.