მსოფლიოსთვის COVID-19-ით გამოწვეული პანდემია ერთგვარ გამოცდად იქცა, რომელმაც განსაკუთრებული მასშტაბი შეიძინა და სრულიად შეცვალა ჩვენი ცხოვრების ყოველდღიური რიტმი. ორწლიანი ონლაინ ვორქშოპებისა და კონფერენციების შემდეგ, დავით ტვილდიანის სამედიცინო უნივერსიტეტის სტუდენტთა და ახალგაზრდა მეცნიერთა სამეცნიერო ასოციაციის (SYSSA)ორგანიზებით, მ.წ. 24-26 მაისს გაიმართა კონფერენცია. რომელსაც უმანსპინძლა სასტუმრომ „ლიც რეზორტი“.
მედიცინა ფართო სფეროა, რომელსაც დასასრული არ აქვს. ყოველდღე, ახალი აღმოჩენა იწვევს ახალ ეჭვებსა და გამოკვლევებს ამ დისციპლინაში. ყოველ წამს ჩნდება ინფექციური პათოგენების ახალი შტამები და გენეტიკური მუტაციები. მეცნიერები და მედიცინის მუშაკები, უახლესი კვლევებისა და თერაპიის საშუალებით, თავდაუზოგავად ცდილობენ გაარღვიონ გადაუჭრელი სამედიცინო პრობლემები.
ორგანიზაცია SYSSA-მ წელს გამართა მულტიდისციპლინური სამედიცინო კონფერენცია, რომელიც მოიცავდა მედიცინის ყველა დისციპლინური დარგის იშვიათ თემებს. გამომსვლელები იყვნენ როგორც სტუდენტები და ინტერნები ისე მეცნიერები და ექიმები. კონფერენციის მსვლელობისას განიხილეს უახლესი შემთხვევები, მოხსენებები და რეცენზირებული სტატიები.
შესავალი სიტყვა წარმოთქვა დავით ტვილდიანის სამედიცინო უნივერსიტეტის დეკანმა, პროფ. ნინო ბრეგვაძე-თაბაგარმა.
მულტიდისციპლინარული სამედიცინო კონფერენცია გახსნა დოქტორმა MD, PhD ილია ნადარეიშვილმა პრეზენტაციით თემაზე: „კავშირები მეცნიერებაში“ და შესავალი ERASMUS და „HERD“ პროექტების შესახებ.
მედიცინის დოქტორმა ქ.ნ ნინო გულათავამ წარმოადგინა პრეზენტაცია “ „მეგალაბის“ თანამედროვე სამეცნიერო კვლევებში ჩართვის რესურსის შესაძლებლობების შესახებ.”
კონფერენცია შემდგომ გაგრძელდა სტუდენტებისა და რეზიდენტების პრეზენტაციებით სხვადასხვა დაავადების, მკურნალობის, დიაგნოსტიკური პროცედურებისა და მედიცინაში თანმხლები შეცდომების განხილვით.
პრეზენტაციების დასასრულს, გაიმართა ვორქშოფები SIGN (Neurology Interest Group of Aieti), SIGA (Surgical Interest Group of Aieti), and GIGA (Gynecology Interest Group of Aieti) მხარდაჭერით. კარენ სტალინი უძღვებოდა SIGN სემინარს, რომელიც მოიცავდა ძირითად ნევროლოგიურ შეფასებასა და დიაგნოსტიკას. გიორგი ალადაშვილი უძღვებოდა SIGA-ს სემინარს, რომელიც მონაწილეებს ასწავლიდა ქირურგიულ მულაჟზე ნაკერების გაკეთებასა და სტერილიზაციის პროცედურას ოპერაციამდე. თინათინ კუჭუხიძე და გვანცა ქოჩიაშვილი კი უძღვებოდა GIGA-ს სემინარს, რომელიც ითვალისწინებდა გინეკოლოგიური გამოკვლევას.
გვინდა მადლობა გადავუხადოთ დავით ტვილდიანის სამედიცინო უნივერსიტეტის პერსონალს SYSSA-ს მხარდაჭერისთვის. გვსურს გამოვხატოთ ჩვენი მადლიერება ყველა მომხსენებელისა და დამსწრეს საზოგადოების მიმართ. განსაკუთრებული მადლობა კი სასტუმრო ლიც რეზორტი-ს ღონისძიების მასპინძლობისთვის.