24-25ივნისს ბათუმის სოთა რუსთაველის სახელმწიფო უნივერსიტეტში გაიმართა „ერაზმუს+“-ის KA2-ის პროგრამის პროექტის ,,საქართველოს უმაღლეს საგანმანათლებლო დაწესებულებებში სამეცნიერო კვლევების განვითარების ხელშეწყობა” (HERD-ის) შემაჯამებელი კონფერენცია.
პროექტი საქართველოს 12 უმაღლეს საგანმანათლებლო დაწესებულებასა და 3 ევროპულ უნივერსიტეტს აერთიანებდა იგი მიზნად ისახავდა, უნივერსიტეტების კვლევითი სამსახურების მოდერნიზაციას და სწავლებისა და კვლევის კომპონენტების ინტეგრირებას ინსტიტუციურ დონეზე.
კონფერენციაზე სიტყვით წარსდგნენ ბსუ-ს რექტორი, პროფ. მერაბ ხალვაში, პროექტის კოორდინატორი, თსუ-ს რექტორის მოადგილე სამეცნ. დარგში- ნინო ოკრიბელაშვილი, საქართველოს განათლებისა და მეცნიერების მინისტრის მოადგილე ნუნუ მიცკევიჩი და შოთა რუსთაველის საქ. ეროვნული სამეცნიერო ფონდის გენ. დირექტორმა ჯაბა სამუშია.
კონფერენციაზე მიწვეული გახლდათ დავით ტვილდიანის სამედიცინო უნივერსიტეტის წარმომადგენლები. დტსუ-ს დეკანმა, პროფ. ნინო თაბაგარმა მონაწილეობა მიიღო პანელურ დისკუსიაში. დელეგაციის წევრები ჩართულები იყვნენ ნეტვორკინგში და პროექტთან დაკავშირებული საკითხების განხილვაში, ასევე შემდგომი ნაბიჯების დაგეგმარების პროცესებში.
შეიქმნა საქართველოს სამეცნიერო საინფორმაციო სისტემის - GRIS.emis.ge ორენოვანი (ქართულ, ინგლისური) პორტალი, რომელიც საქართველოში არსებული სამეცნიერო გამოცდილებისა და პოტენციალის შესახებ დაინტერესებულ მხარეს ღია რეჟიმში შესაბამის მონაცემებს სთავაზობს. პორტალი ღია მონაცემთა ბაზის საფუძველზე საქართველოში ყველაზე მსხვილი ღია საინფორმაციო ბაზაა. ამჟამად 5000-მდე საქართველოში მოღვაწე აკადემიური პერსონალის, მკვლევრებისა და დოქტორანტების სამეცნიერო მონაცემებს აერთიანებს და პოტენციურ პარტნიორებს, ადგილობრივ კოლეგებთან დაკავშირებას, საერთო კვლევებსა და პროექტებზე მუშაობის შესაძლებლობების გაფართოებას აძლევს.
პროექტის საერთაშორისო პარტნიორები გახლდათ: დრეზდენის ტექნოლოგიური უნივერსიტეტი, კლერმონ ოვერნის უნივერსიტეტი, და კოტ-დაზურის უნივერსიტეტი.