რამოდენიმე დღის წინ დავით ტვილდიანის სამედიცინო უნივერსიტეტის კურსდამთავრებული და ლექტორი ნინო ზავრაშვილი დაბრუნდა მეიოს კლინიკიდან (Mayo Clinic, Rochester,MN,US), სადაც იმყოფებოდა მეიოს კლინიკის ასოცირებული პროფესორის, ენდოკრინოლოგიის რეზიდენტურის პროგრამის (Endocrinology Fellowship Program) თანადირექტორის, ექიმ ნინა ნეთის მიწვევით. ქ-ნ ნინო მუშაობდა ენდოკრინოლოგიის სხვადასხვა სუბსპეციალობის (დიაბეტის, თიროიდული დაავადების, ჰიპოფიზის, გონადალური და ადრენალური, ძვლისა და მინიმალური დაავადებების) ექსპერტებთან ერთად ენდოკრინოლოგიის, დიაბეტისა და მეტაბოლური დაავადებების განყოფილებაში.
ნინო ზავრაშვილს ამერიკაში ყოფნის დროს გადაეცა ჯილდო ,,Mayo Clinic Scholars Award.’’ უახლოეს მომავალში მისი მოწვევით საქართველოს ესტუმრება მეიოს კლინიკის ენდოკრინოლოგიის განყოფილების ექიმთა ჯგუფი, რომელიც ჩვენს სტუდენტებთან, რეზიდენტებთან და ექიმებთან გამართავენ სხვადასხვა სწავლება/სემინარებს.
საქართველოში პირველად სწორედ დავით ტვილდიანის სამედიცინო უნივერსიტეტში ნინო ზავრაშვილის ინიციატივით დამკვიდრდა კლინიკური უნარ-ჩვევების კურსი ( Clinical Skills Course) სტანდარტიზირებული (სიმულირებული) პაციენტების გამოყენებით. მსახიობი ,,პაციენტების’’ ჩართვით კურსი სტუდენტებს ასწავლის ანამნეზის შეკრების, პაციენტის გასინჯვისა და სამედიცინო ისტორიის წერის პრინციპებს. კურსის ბოლოს კი გამოცდის მთავარი შემფასებელი ექიმის გარდა, სიმულირებული პაციენტია. აღნიშნული კურსის ეფექტურად ჩატარებისათვის უნივერსიტეტში მოეწყო და აღიჭურვა სიმულირებული ტრენინგ და ობზერვაციის ოთახი.
აღნიშნულ კურსს ჩვენი სტუდენტები დადებითად აფასებენ:
