2016 წლის 11 დეკემბერს დავით ტვილდიანის სამედიცინო უნივერსიტეტში გაიმართა ღია კარის დღე. აბიტურიენტები შეხვდნენ დეკანის მოადგილეს ბნ. იური მიგრიაულსა და საზოგადოებასთან ურთიერთობის დეპარტამენტის ხელმძრვანელს ქლბ. მარიამ ძაბირაძეს, რომლებმაც მათ მაქსიმალურად ამომწურავი ინფორმაცია გააცნეს დავით ტვილდიანის სამედიცინო უნივერსიტეტისა და დავით ტვილდიანის საზოგადოებრივი საექთნო კოლეჯის სწავლის სპეციფიკის, სამომავლო პერსპექტივების, გამოცდების სპეციფიკისა და შეფასების კრიტერიუმების შესახებ.
ამის შემდგომ აბიტურიენტებს უნივერსიტეტის დამამთავრებელი კურსის სტუდენტები თორნიკე ოთიაშვილი და სალომე კორძაია გაესაუბრნენ. სტუდენტებმა სტუმრებს საკუთარი გამოცდილება გაუზიარეს და სტუდენტური ცხოვრებისა და აქტივობების შესახებ მიაწოდეს ინფორმაცია.
მოგვიანებით უნივერსიტეტის წარმომადგენლებმა აბიტურენტებს აჩვენეს 2016 წლის კურსდამთავრებულთა ვიდეო სახელწოდებით „როგორია იყოს DTMU-ს სტუდენტი“. (https://www.youtube.com/watch?v=sx2rMvlp7Sc)
ღია კარის დღის ფარგლებში დამსწრე საზოგადოებას ასევე მიეცათ საშუალება ენახათ მოკლემეტრაჟიანი ფილმი დავით ტვილდიანის სამედიცინო უნივერსიტეტისა და ზოგადად საექიმო საქმიანობის შესახებ.