2010 წლის 27 დეკემბერს თბილისის სახელმწიფო სამედიცინო უნივერსიტეტში ჩატარდა ამავე სასწავლებლის მოლეკულური და სამედიცინო გენეტიკის დეპარტამენტისა და სტუდენტური სამეცნიერო კველევითი კლუბი “მეგ”-ის (მომავალი ეკუთვნის გენეტიკას) მიერ ორგანიზებული რიგით XV კონფერენცია გენეტიკური დაავადებების დიაგნოსტიკისა და შესაძლო მკურნალობის საკითხებზე.
კონფერენციაში მონაწილეობა მიიღო სამმა გუნდმა: უმაღლესი სამედიცინო სკოლა “აიეტი"-დან (პირველკურსელები – ნანა ბაკაშვილი, თორნიკე გახოკიძე, ლუკა გოგიბედაშვილი, მელისა კაჭარავა, სალომე ჟვანია და მარიამ შუბითიძე), თბილისის სახელმწიფო სამედიცინო უნივერსიტეტიდან (მეორე კურსელები) და ჯავახიშვილის სახელობის თბილისის სახელმწიფო უნივერსიტეტიდან (მესამე კურსელები).
კონფერენცია დაყოფილი იყო ორ ნაწილად. პირველ ნაწილში სტუდენტებმა წარმოადგინეს თემები კვლევის მეთოდებზე – PCR, FISH და პრენატალურ დიაგნოსტიკაზე. კონფერენციის მეორე ნაწილში კი გაიმართა დებატები, რომლის მიზანი იყო დიაგნოზის დასმა სამ კლინიკურ შემთხვევაზე და დასაბუთება იმ კვლევის მეთოდებისა, რომლებიც უნდა გამოყენებულიყო ამ კონკრეტული დაავადებების აღმოსაჩენად.
ჟიურის თავმჯდომარე იყო თბილისის სახემლმწიფო სამედიცინო უნივერსიტეტის პროფესორი – რუსუდან რუხაძე, ხოლო ჟიურის წევრები იყვნენ: უმაღლესი სამედიცინო სკოლა “აიეტის" პროფესორი – დოდო ბარამიძე, ილიას უნივერსიტეტის პროფესორი – ალდენგო შათირიშვილი, თბილისის სახელმწიფო უნივერსიტეტის პროფესორები – ლიანა ძიძიგური, ქეთინო კართიაშვილი და ბუციკო ჩხარტიშვილი და პრენატალური დიაგნოსტიკის ცენტრის ხელმძღვანელი.
კონფერენციის დასრულების შემდეგ მონაწილეებს გადაეცათ სერთიფიკატები.