11 თებერვალს დავით ტვილდიანის სამედიცინო უნივერსიტეტის საზოგადოებრივ საექთნო კოლეჯში ღია კარის დღე მოეწყო. აღნიშნული დღე მიზნად ისახავდა დაინტერესებული პირებისთვის მიეწოდებინა მაქსიმალურად ამომწურავი ინფორმაცია ზოგადად საექთნო კოლეჯის, სწავლის სპეციფიკის, შეფასების სისტემის, დაფინანსების საკითხებისა და გარანტირებული დასაქმების შესახებ. დამსწრე საზოგადოებას სიტყვით მიმართეს სასწავლო დეპარტამენტის ხელმძღვანელმა ქნ. თამარ დაუსმა და დირექტორმა ქნ. მარიამ ტვილდიანმა.
ღია კარის დღის ფარგლებში სტუმრებს შესაძლებლობა მიეცათ დაეთვალიერებინათ კოლეჯი და გაცნობოდნენ მულაჟების ოთახს.
