2017 წლის 23 თებერვალს დავით ტვილდიანის სამედიცინო უნივერსიტეტში ჩატარდა 4 საათიანი უფასო სემინარი სამეცნიერო წერასა და პუბლიკაციაზე, რომელიც მოიცავდა წინასწარ ჩაწერილ 9 მოდულსა და პრაქტიკულ სავარჯიშოებს. სემინარს უძღვებოდა ამერიკის მიკრობიოლოგთა ასოციაციის ახალგაზრდა ელჩი საქართველოში და საქართველოს მედიკოს სტუდენტთა ასოციაციის გენერალური მდივანი მარიამ ბერიძე.
სემინარზე მონაწილეობა მიიღეს როგორ სტუდენტებმა ,ლექტორებმა და სხვა დაინტერესებულმა პირებმა. სულ 45 მონაწილე ესწრებოდა სემინარს. მონაწილეები აქტიურად იყვნენ ჩართული სამუშაო პროცესში და წარმატებით შეასრულეს პრაქტიკული დავალებები. სემინარის ბოლოს მონაწილეებს დაურიგდათ სერტიფიკატები.