DTMU

მმართველობითი და კოლეგიური ორგანოები


დავით ტვილდიანის სამედიცინო უნივერსიტეტის დამფუძნებლის მიერ და მისი უშუალო მონაწილეობით შექმნილი ორგანო, რომელიც ანგარიშვალდებულია მხოლოდ აკადემიური საზოგადეობის წინაშე.

მმართველი ჯგუფი, წევრთა შემადგენლობის, მათი პასუხისმგებლობის ქვეშ არსებული ადმინისტრაციული ერთეულების ფუნქცია-მოვალეობების, გათვალისწინებით ახორციელებს საუნივერსიტეტო საქმიანობის გრძელვადიანი და მოკლევადიანი სამოქმედო და სტრატეგიული გეგმების, ფინანსირების, ძლიერი და სუსტი მხარეების გამოვლენისა და განვითარების გზების დაგეგმვა- შემუშავებას.

 

მმართველი ჯგუფის წევრები:

 

დამფუძნებელი    დიმიტრი ტვილდიანი 

                               მედიცინის მეცნიერებათა დოქტორი

 

რექტორი              ლევან ტვილდიანი       

                             პროფესორი, მედიცინის მეცნიერებათა დოქტორი

 

პრორექტორი        სერგო თაბაგარი            

                              პროფესორი, მედიცინის მეცნიერებათა დოქტორი

 

პრორექტორი         მალხაზ კოკიჩაშვილი      

                              პროფესორი, მედიცინის მეცნიერებათა დოქტორი

 

კანცლერი              ნიკოლოზ გოგუაძე          

                               ეკონომიკის მეცნიერებათა დოქტორი

 


პირველადი ორგანო სამეცნიერო და პედაგოგიური აქტივობების თვალსაზრისით, რომელიც განიხილავს სტრატეგიულ გეგმას, აკადემიურ, სამეცნიერო-კვლევით აქტივობებს უნივერსიტეტის სტრატეგიულ გეგმასთან კონტექსტში, ამტკიცებს ფაკულტეტზე განსახორციელებელ სასწავლო პროგრამებს. ჩართულია პროფესორების არჩევის პროცედურებსა და ნომინაციაში უფლებამოსილების ფარგლებში.

მისი საქმიანობა ეფუძნება აკადემიურ თავისუფლებას განსაზღვრულს საქართველოს კონსტიტუციით, საერთაშორისო სამართლებრივი ნორმებით, „უმაღლესი განათლების შესახებ“ საქართველოს კანონით, საქართველოს სხვა საკანონმდებლო და კანონქვემდებარე ნორმატიული აქტების მოთხოვნებითა და უნივერსიტეტის შიდა რეგულაციებით. თავისი საქმიანობით ცდილობს უნივერსიტეტთა დიდი ქარტიის პრინციპების დამკვიდრებას.

აკადემიური საბჭოს ფორმირების წესი დადგენილია უნივერსიტეტის შიდა რეგულაციებით და მისი წევრები არიან: ყველა არჩეული პროფესორი და ასოცირებული პროფესორი; SYSSA -ს წევრი სტუდენტები; საბჭოს შეიძლება ყავდეს საპატიო და ასოცირებული წევრები, რომლებიც არიან - იმ კლინიკის წარმომადგენლები, სადაც უნივერსიტეტის სტუდენტები გადიან მეცადინეობებს; ამასთან სტუდენტებისა და საპატიო/ასოცირებული წევრების ჯამური რაოდენობა უნდა იყოს საბჭოს წევრი, არჩეული აკადემიური პერსონალის რაოდენობის არანაკლებ 1/3-სა;

საბჭოს ყავს სწავლული მდივანი.


თვითმმართველი ადმინისტრაციული მართვის ორგანო, რომელიც განიხილავს რექტორის ქვემდებარე შიდა რეგულაციებს, ბიუჯეტირების გეგმებს, სხვა დოკუმენტებს, ანგარიშებს და განცხადებებს; განიხილავს უნივერსიტეტის საორგანიზაციო ერთეულების ჩამოყალიბების საკითხებს, ამტკიცებს დეკანის მიერ წარდგენილ ყოველწლიურ ანგარიშებს.

საბჭოს თავჯდომარეობს რექტორი.

საბჭოს ყავს მუდმივი და მოწვეული წევრები, მდივანი.

მუდმივი წევრები: პრორექტორები, დეკანი, ხარისხის უზრუნველყოფის სამსახურის ხელმძღვანელი, ბიბლიოთეკის ხელმძღვანელი, საქმის წარმოების დეპარტამენტის ხელმძღვანელი, აკადემიური საზოგადოების 8 წევრი (მათგან 4 აკადემიური პერსონალის წარმომადგენელი და 4 სტუდენტი).

მოწვეული წევრები:

სტრუქტურული ერთეულის წარმომადგენლები; ნებისმიერი პირი თუ ეს აუცილებელია საკითხის გასარკვევად.


კოლეგიური ორგანო, რომელიც შექმნილია ფაკულტეტის მიერ მიწოდებული დიპლომირებული მედიკოსის საგანმანათლებლო პროგრამების, სადოქტორო პროგრამებისა და სარეზიდენტო მომზადების პროგრამებში სწავლისა და პროფესიული მზადების მაღალ დონეზე შენარჩუნებისათვის, მათი მონიტორინგისა და შეფასების გზით.

ფაკულტეტის საბჭო ახორციელებს: ფაკულტეტის მიერ განხორციელებულ პროგრამებში რიცხულ სტუდენტთა და რეზიდენტთა აკადემიური მოსწრების და პროფესიული მზადების შედეგების შესახებ ინფომაციის განხილვას და შეფასებას; ფაკულტეტზე არსებულ აკადემიურ და სარეზიდენტო პროგრამათა მდგრადობაზე ზრუნვას; დოქტორანტთა ინდივიდუალური პროგრესის შესახებ სადოქტორო კომიტეტის ინფორმაციის მოსმენასა და დამტკიცებას; უნივერსიტეტის ოფიციალურ პუბლიკაციებში აკადემიურ პროგრამათა წარდგენას;

ფაკულტეტის საბჭოს წევრები არიან:

სასწავლო დეპარტამენტების წარმომადგენლები (ქვორუმისთვის აუცილებელია სასწავლო დეპარტამენტებიდან მინიმუმ თითო წარმომადგენელი მაინც).

სტუდენტები: 2 წევრი საბაზისო და  2 წევრი კლინიკური სწავლების კურსიდან.

დეკანის მოადგილეები და დეკანის ასისტენტი.

საბჭოში სათათბირო ხმის უფლებით შედიან:

სტუდენტთა რეგისტრაციის სამსახურის ადმინისტრატორი, ბიბლიოთეკის დირექტორი, კოორდინატორები, ასევე სხვა ადმინისტრაციული ოფისების წარმომადგენლები (დეკანის წინადადებით). 

ფაკულტეტის საბჭოს თავმჯდომარეობს უმაღლესი სამედიცინო სკოლა „აიეტის“, მედიცინის ფაკულტეტის დეკანი.

ფაკულტეტის საბჭოს ჰყავს მდივანი, რომელიც ინიშნება საბჭოს თავმჯდომარის მიერ, საბჭოს სხდომების ორგანიზება/ადმინისტრირების მიზნით.

ფაკულტეტის საბჭოს მიერ მიღებული გადაწყვეტილებები (რეზოლუციები) წარედგინება რექტორს/რექტორის საბჭოს შესაბამისი ბრძანების გამოცემის მიზნით.

(ამოქმედდება 2018 წლის 01 სექტემბრიდან)


აკადემიური საბჭოს გადაწყვეტილებით შექმნილი, მედიცინისა და ბიოლოგიაში დოქტორის აკადემიური ხარისხის მიმნიჭებელი თვითმმართველი ორგანო, რომელიც იქმნება კონკრეტული დოქტორანტის მიერ სადისერტაციო ნაშრომის დაცვისა და ხარისხის მინიჭების მიზნით.

სადისერტაციო საბჭოს ფორმირება ხდება ინდივიდუალური სადოქტორო პროექტის კვლევითი ნაშრომის (დისერტაცია) შესაფასებლად (დაცვისთვის)აკადემიურ საბჭოზე.

სადისერტაციო საბჭო იქმნება 10 წევრის შემადაგენლობით და წევრად შეიძლება მოწვეულ იქნას შესაბამისი დარგის დოქტორის აკადემიური ხარისხის მქონე პირი.

სადოქტორო კომიტეტი სადისერტაციო საბჭოს წევრთა კანდიდატებს წარუდგენს აკადემიურ საბჭოს,  რომელიც იღებს საბოლოო გადაწყვეტილებას სადისერტაციო საბჭოს ფორმირების შესახებ.

სადისერტაციო საბჭოს თავმჯდომარეობს აკადემიური საბჭოს თავმჯდომარე (ან სხვა პირი აკადემიური საბჭოს შემადგენლობიდან, აკადემიური საბჭოს თავმჯდომარის გადაწყვეტილებით) სხდომის წაყვანისა და პროცედურული საკითხების დაცვის მიზნით; მას შეუძლია განხილვაში მონაწილეობა და არ მონაწილეობს ხარისხის მინიჭებისთვის გამართულ ფარულ კენჭისყრაში.

(ამოქმედდა 2018 წლის 01 იანვრიდან)

 




დადგენილი ვადით შექმნილი წამომადგენლობითი ორგანო, რომელიც იხილავს დისციპლინური გადაცდომის საკითხებს; კომისიის სხდომები იმართება  აკადემიური და რექტორის საბჭოს შემადგენლობიდან 3-3 წევრისა და იურსიტის მონაწილეობით; კომისიის წევრები არიან სტუდენტთა წარმომადგენლები, რომელთა რაოდენობაც არ შეიძლება იყოს სრული  შემადგენლობის ნახევარზე ნაკლები.

დისციპლინარულ კომისიას საკითხს განსახილველად და გადაცდომის თაობაზე მისთვის არსებულ/ხელმისაწვდომ ინფორმაციას გადასცემს ფაკულტეტის საბჭო.

კომისია იხილავს ფაკულტეტის მიერ მიწოდებულ და გადაცდომის ჩამდენი პირის მიერ წარდგენილ მტკიცებულებებს; მტკიცებულებათა ერთობლიობაში შეფასებისა და გამოკვლების საფუძველზე, შინაგანი რწმენით იღებს გადაწყვეტილებას დისციპლინური სახდელის გამოყენების ან/და წარმოების შეწყვეტის შესახებ.

დისციპლინარული კომისიის მიერ უზრუნველყოფილია გადაცდომის ჩამდენი პირის განხილვაში მონაწილეობა; ამასთან არც ერთ მტკიცებულებას არ აქვს წინასწარ დადგენილი ძალა; მტკიცებულებათა შეფასება და გადაწყვეტილების მიღებაც უნდა მოხდეს, მხლოდ წევრთა კომპეტენციის, კეთილსინდისიერებისა, შემთხვევის ინდივიდუალურობის გათვალისიწნებით, შინაგანი რწმენის საფუძველზე.

კომისიის სხდომას თავმჯდომარეობს წევრთა შემადგენლობიდან, უმრავლესობის მიერ დასახელებული წევრი, ხოლო მირებული გადაწყვეტილების შესახებ გამოიცემა რექტორის ბრძანება.


უნივერსიტეტის დამოუკიდებელი სტრუქტურული ერთეული, რომელიც უზრუნველყოფს როგორც, კვლევებისა და ზოგადი ინსტიტუციური მენეჯმენტის შეფასებას, ასევე  უმაღლესი სასწავლებლის საქმიანობის სტანდარტებისა და საუკეთესო საერთაშორისო გამოცდილების გაზიარებით სახელმძღვანელო პრინციპების შემუშავებას; მჭიდროდ თანამშრომლობს ხარისხის კონტროლის გარე სააგენტოებთან.

ხარისხის უზრუნველყოფის სამსახურის უფროსი არის აკადემიური საზოგადოების წევრი - პროფესორი;

ხარისხის უზრუნველყოფის სამსახური ყოველწლურად ქმნის ხარისხის უზრუნველყოფის სამუშაო ჯგუფს. ჯგუფის წევრების შერჩევას ახორციელებს ხარისხის უზრუნველყოფის სამსახურის ხელმძღვანელი და კანდიდატები შეირჩევიან უნივერსიტეტის აკადემიური საზოგადოების წევრებიდან, შესაძლებელია იყვნენ დამსაქმებლისა და კურსდამთავრებულთა წარმომადგენლები.


  • თვითშეფასების ანგარიში 2018
  • თვითშეფასების ანგარიში 2016-2017
  • თვითშეფასების ანგარიში 2015-2016
  • თვითშეფასების ანგარიში 2013-2014
  • თვითშეფასების ანგარიში 2012-2013
  • დტსუ ხარისხის უზრუნველყოფის მნიშვნელოვანი მახასიათებლები და განვითარების მნიშვნელოვანი პრინციპები
  • ხარისხის შეფასების შედეგების გამოყენების პროცედურა და შედეგების გამოყენების ანგარიში